a.       Panambahing Swanten

Panambahing swanten ing sawijining tembung saged kaperang dados tiga protesis, epentesis, lan paragog. Supados para pamaos gampil anggenipun ngemut-emut, tigang prastawa kalawau kula sebat kemawon mawi istilah/tetembungan wuwuh purwa, wuwuh madya, lan wuwuh wasana.

(1)          Protesis (wuwuh purwa) tegesipun tambah ing perangan ngajeng.

    nanging        à        ananging

    jare              à        ujare

    ana               à        nana

    ing                à        ning

    adi                à        hadi

(2)          Epentesis (wuwuh madya) tegesipun tambah ing perangan tengah.

          kambil          à        krambil

          akasa           à        angkasa

          ngipi             à        ngimpi

          upama          à        umpama

          sisot              à        singsot

(3)         Paragog (wuwuh wasana) tegesipun tambah ing perangan wingking.

          ora               à        orak

          ibu                à        ibuk

          dudu à        duduk             

          sudi              à        sudik

          nganti           à        ngantik

b.      Panyudaning Swanten                             

                Panyudaning swanten ing sawijining tembung saged kaperang dados tiga aferesis, sinkop, lan apokop. Supados para pamaos gampil anggenipun ngemut-emut, tigang prastawa kalawau kula sebat kemawon mawi istilah/tetembungan sirna purwa, sirna madya, lan sirna wasana (sirna wekas).

(1)         Aferesis (sirna purwa) tegesipun suda ing perangan ngajeng.

          kakang         à        kang

          uwong          à        wong

          bapak           à        pak

          simbah         à        mbah

          Tembung madya saged kagolongaken aferesis (sirna purwa) amargi tembung madya menika racakipun asalipun saking tembung wetah ingkang namung dipunpendhet saperangan kemawon. Upaminipun:

          panjenengan            à        njenengan

          dhateng                    à        teng

          mangga                   à        engga / ngga

(2)         Sinkop (sirna madya) à suda tengah

                sethithik                   à        sithik

                tenanan                    à        tenan

                njaluk                       à        njuk

                dhuwit                      à        dhit

                weneh                      à        weh

(3)         Apokop (sirna wasana/wekas) tegesipun suda ing perangan wingking.

               temenan                   à        temen

               mbakyu                    à        mbak

               dhimas                     à        dhi

               kangmas                   à        kang

c.       Gesehing Swanten

               Gesehing swanten saged kaperang dados kalih metatesis lan disimilasi. Supados langkung gampil kula sebat kemawon mawi tembung lira-liru (liru panggonan kangge metatesis; lan liru swanten kangge disimilasi).

(1)         Metatesis inggih menika lira-liruing panggenan/dumunungipun swanten.

         wira-wiri                  à        riwa-riwi

         sruput                       à        srutup

         tholo                         à        lotho

         bejad                        à        jebad

         perlu                         à        prelu

(2)         Disimilasi inggih menika lira-liruning swanten, tegesipun swanten ingkang sami ing satunggal tembung lajeng dipungantos kaliyan swanten sanesipun. Tuladhanipun:

lara-lara                   à        lara lapa

   rara ireng                 à        lara ireng

   sajjana                      à        sarjana

   citta                          à        cipta   

   bangbang                 à        bambang

         Kajawi menika ugi wonten variasi bebas inggih menika mujudaken lira-liruning swanten tanpa ngewahi suraosing tembung. Upaminipun antawisipun swanten / b / lan / w /; / d / lan / t /; saha / k / lan / g /.

         bulan            à        wulan

         bengi            à        wengi

         bae               à        wae

         dakjupuk       à        takjupuk

         dakkeplak     à        takkeplak

         daktuku         à        taktuku

         kegedhen      à        gegedhen

         kejlungup      à        gejlungup

         keblondrok   à        geblondrok

         Ingkang awujud vokal / a / à / e / :

               takon            à        tekon

         takok à        tekok

         lanang          à        lenang